આદરણીય સમાજબંધુઓ આધુનિકતાના આ દોરમાં સોશિયલ મીડિયા સાથે તાલ મિલાવી સેતુ સમાજ સંદેશની પ્રગતી કરવી એ અનિવાર્ય છે. આજે આપણે જોઈએ છીએ તેમ સોશિયલ મીડિયાનો ઉપયોગ ડગલેને પગલે વધી રહ્યો છે. ત્યારે ગત સત્રો દરમ્યાન મહાસભાના પૂર્વ પ્રમુખશ્રીઓ અને સમગ્ર સેતુ સમાજ સંદેશ સમીતી દ્વારા જે વેબસાઈટ લોંચ કરવામા આવી હતી. તે ખરેખર સરાહનીય પગલું હતું સાથે સાથે શ્રી હિતેશભાઈ ભોગીલાલભાઈ ચૌહાણના પ્રયાસોથી એંડ્રોઈડ એપ્લીકેશન પણ આપણે સમાજને અર્પિત કરી ચુક્યા છીએ. એ ખરેખર સોનામાં સુગંધ ભરે છે.સેતુ સમાજ સંદેશના તંત્રી સ્વ.ભરતભાઇ વાઢેરની કોરોના કાળમાં આકસ્મીક વિદાયથી એક શૂન્યાવકાશ પેદા થયો.આ સ્થળે સર્વ પ્રથમ તેમને શ્રદ્ધાસુમન અર્પણ કરું છું. મુખપત્રની નવી વ્યવસ્થા મુજબ કો.ઓર્ડિનેટર શ્રીવિનોદભાઇ કેશવજીભાઇ પઢિયાર ,તંત્રી શ્રી વિનોદભાઇ મોહનલાલ ખોડિયાર ,શ્રી વિનોદભાઇ લીલાધર ચૌહાણ, શ્રી અજયભાઈ પ્રાગજીભાઇ પઢિયાર અનેશ્રી હિતેશભાઈ ભોગીલાભાઇ ચૌહાણની અધ્યક્ષતામાં સંચાલન ખૂબ જ જહેમત લઈ અનુકરણીય કાર્યકરી રહ્યા છે તે બદલ સમગ્ર ટીમને ધન્યવાદ પાઠવું છું.

         મિત્રો,મારો ઉદેશ ગત સત્રની સફળતાને આગળ વધારવાનો છે. અને આ કાર્યે માટે મે શ્રી હિતેશભાઈ ભોગીલાલભાઈ ચૌહાણને સુકાન સોપેંલ છે. મને આશા નહિ પણ પુરો વિશ્વાસ છે કે શ્રી હિતેશભાઈ ભોગીલાલભાઈ ચૌહાણ અને તેમની ટીમ ગત સત્રની જેમ જ ખૂબ જ મહેનતથી કાર્યે કરી. આ સફળતાને આગળ વધારશે.આપણા સમાજમાં સોશિયલ મીડિયાનો ઉપયોગ કરી રહ્યા છીએ એનો મુખ્ય ઉદેશ એ છે કે સેતુ સમાજ સંદેશ દરેક હાથમાં પહોંચે પછી ભલે સમાજનો વ્યક્તિ કચ્છ રહેતો હોય કે હૈદ્રાબાદ કે અમેરીકા કે દુનિયાના કોઇ પણ છેડે રહેતો હોય. સેતુ સમાજ સંદેશ સમાજની દરેક વ્યક્તિ નિયમીત પણે મેળવે એ ઉદેશ માટેની આ જહેમત છે. અને ગત સત્ર દરમ્યાન પણ આપણે લોકોને અનુરોધ કરીયે છીએ કે આપણે સેતુ સમાજ સંદેશની વેબસાઈટ નિયમીત રીતે વાંચો આ સંપૂણઁ પણે નિશુલ્ક છે.

         હજુ પણ આપણે લાંબી મંજીલ કાપવાની છે આતો ફક્ત શરૂઆત છે આપણા મહાસભાની બે સમીતીને સોશીયલ મીડિયા સાથે કનેક્ટ કરી તેનો લાભ સમાજબંધુઓ સુધી પહોચાડવો છે. અને આ કાર્યને પ્રથમ ચરણ સેતુ સમાજ સંદેશ અને મેરેજ બ્યુરો દ્રારા કરેલ છે આ બંને સમીતીની વેબસાઈટ ખૂબ જ સારી રીતે ચાલી રહી છે ખાસ કરીને સેતુ સમાજ સંદેશ દર મહીનાની દસ તારીખે આપણે સમાજબંધુ સમક્ષ નિયમીત પણે નિશુલ્ક ધોરણે મૂકીયે છીએ.

         આ સત્ર દરમ્યાન શ્રી હિતેશભાઈ ભોગીલાલભાઈ ચૌહાણ અને સંચાલન સમીતીએ નિર્ધાર કરેલ છે કે સેતુ સમાજ સંદેશને ઘરે ઘરે પહોંચાડવુ મારી શુભકામના એમની સાથે છે અને તે લક્ષ્યને સમીતી પાર પાડશે.તેમા કોઈ શકને સ્થાન નથી....

         જય સમાજ...